Монгол малчид
Дэлхийн Банкнаас гаргасан мэдээгээр Монголын дотоодын нийт бүтээгдэхүүний (ДНБ) 20 хувийг мал аж ахуй эзэлдэг бөгөөд ажиллах хүчний 40 хувь энэ салбарт ажилладаг байна. Сүүлийн үеийн тайлангаар хөдөө аж ахуйн салбарт нийт ажиллах хүчний 34 хувь нь хамаарч байна. Эдгээр статистик хөдөлмөрийн бүтээмж тааруу байдаг шигээ нэмүү өртөг буй болгох боломж бага байгааг харуулж байна. Дэлхийн Банкны судалгаанд малчдыг дараах хэдэн ангилалд хуваажээ:
- 500 дээш толгой малтай бэлчээр ус нь хүрэлцээтэй чинээлэг айл өрх. Эдгээр өрхийн гишүүд нь мал сүргээ адуулан маллаж байгаа нийт малчин өрхийн 6 орчим хувь нь хамаардаг.
- 200-аас 500 толгой малтай малчин өрх. Энэ ангилалд нийт малчин өрхийн 25 хувь багтдаг.
- Үлдсэн хэсгийг бүрдүүлэх 200-аас цөөн толгой малтай малчин өрх. Эдгээр өрхүүд нь ядуу амьдралтай, байгалийн гамшигт өртөмтгий байдаг.